Imbasura ti Court of Appeals (CA) ti apela ni sigud a Bamban Mayor Alice Guo a mawaya-wayaan daytoy kasaruno iti panangipetteng ti kampo na nga ilegal ti wagas a panangaresto kenkuana iti Bureau of Immigration (BI).
Iti desisyon nga inyulog ti sigud a First Division ti CA idi Oktobre 5, impeksa ti korte a saan a ti Bureau of Immigration (BI) ti nangipabalud kenkuana.
Inlawlawag daytoy a sigun iti appellate court, naibalud ni Guo gapu iti joint decision nga inpataw ti Pasig City Regional Trial Court Branch 167 kenkuana gapu iti kaso a qualified human trafficking , ken saan a gapu iti anyaman a warrant manipud iti Bureau of Immigration (BI).
Innayon pay ti korte nga awan ti umdas a basaran ken ebidensya a naiparang tapno paneknekan nga ada ti nalabsing a linteg iti pannakaarestar kenkuana.
Agtaltalinaed a nakadetene ni Guo idiay Correctional Institution for Women idiay Mandaluyong.
