Binalakadan ni Senator Erwin Tulfo dagiti overseas Filipino worker (OFW) idiay France, Saudi Arabia ken Israel nga dobleanda ti panaganadda iti tengnga ti mapaspasamak a tensyon sadiay.
Nagballakad daytoy kadagiti OFW a liklikanda pay laeng dagiti lugar nga ayan dagiti tignay-protesta partikular idiay Paris, gapu iti riot ken insidente iti panagtakaw.
Para met kadagiti OFW idiay Saudi Arabia, nagbalakad daytoy nga agbalinda a naridam ken alerto gapu iti panangraut ti Iran iti nasao a pagilian.
Binagaanna met dagiti Pilipino idiay Israel a nu mabalbalin ket liklikanda pay laeng nga agturong idiay West Bank gapu kadagiti naipadamag a panagraut dagiti sumagmamano nga Israeli settler sadiay.
Kagidan iti dayta, ginyugoy ti senador ti publiko ti panangikararag para iti seguridad dagiti OFWs kadagiti ballasiw taaw .
