Makatulong kadagiti bike rental concessionaires ti pannakapasayaat dagiti bike rental stalls, nangruna iti kinapintas ken nasayaat a buya ti aglawlaw ti nasao a lugar.
Sigun kenni Roger Baguitan, maysa a bike rental concessionaire, dakkel ti tulong ti pannakapabaro daytoy gapu ta adda ti privacy dagitoy, nangruna ti pakaidulinan ti kagawaan dagiti agrenta iti bisikleta.
Kinunana pay a ti pannakapasayaat dagiti stalls ket nasayaat a panagrang-ay para kadagiti bike rental operator agsipudta, makatulong daytoy iti panangpasayaat iti serbisioda kadagiti lokal a residente ken turista nga agbisita iti Burnham Park.
Nupay kasta, namnamaenna a mapagtalinaed ti kinadalus ken kinapintas ti nasao a lugar tapno agbalin a nasayaat ken komportable dagiti agabang iti bisikleta.
Innayonna a babaen iti daytoy, ad-adu pay a turista ti maawis nga agrenta iti bisikleta dagiti rental concessionaires.
Kabayatanna, ginuyugoyna ti publiko, nangruna dagiti turista, a padasenda ti agbisita iti siudad tapno makita ken mapadasanda ti nagduduma a tourist spot iti siudad.
Maaw-awis metlaeng dagiti bisita a suportaran dagitoy dagiti lokal a negosyo, pakairamanan dagiti bike rental concessionaires iti siudad.//Bombo Khey Reparip
