Nabigbig ti ADIVAY Festival ti Probinsya ti Benguet iti kaleplepas laeng a 2026 Association of Tourism Officers of the Philippines (ATOP) Pearl Awards idi kalman, Oktobre 21 idiay Ormoc City, Leyte, no sadino ti nasao a pestibidad ti naideklara kas grand winner iti Cultural Festival – Province Level category
Inbagi met ti Governor Melchor Diclas ti probinsya iti panangawat iti nasao a pammabigbig.
Impeksana met ti panagyamanna iti pannakabigbig ti ADIVAY no sadino impettengna a daytoy ti mangiparparangarang iti nagtipon a pannakikaykaysa dagiti lokal a gobyerno iti probinsta, nagduduma a cultural communities, tourism stakeholders, ken dagiti umili ti Benguet nangnangruna iti panangitandudo iti nabaknang a kultura ti nasao a probinsya.
Impettengna metlaeng a ti ADIVAY ket saan laeng a tinawen a selebrasyon nu di ket maysa daytoy a pammaneknek iti panagmaymaysa ken “Binnadang” kasta metten ti saan a mapukaw a tradisyon dagiti taga-Benguet.
Ti Association of Tourism Officers of the Philippines (ATOP) Pearl Awards ket tinawen a programa a mangbigbigbig kadagiti local government units, tourism officers, ken dadduma pay gapu kadagiti nagduduma nga inobasyon, ken naidumduma a performance da iti panangidaulo iti turismo, destination marketing, ken dadduma pay.
Ti nasao a programa ket idadauloan ti Association of Tourism Officers of the Philippines (ATOP) ken iti Department of Tourism (DOT).
