Naituding nga ipatungpal ti Philippine National Police (PNP) ti full alert status iti entiro a pagilian manipud Oktobre 30 agingga Nobyembre 2 sakbay a maobserbaran ti All Saint’s Day ken All Soul’s Day wenno Undas.
Sigun kenni PCol. Allem Rae Co, hepe ti Public Information Office ng Philippine National Police (PNP), panggep ti nasao nga addang ti panangsigurado a maobserbaran ti natalged a panagbyahe dagiti kasapulan nga agawid kadagiti probinsyada kasta metten ti panangsalwad ti aglawlaw ti sementeryo.
Mapatta-patta a dumanon iti agarup 72,500 ti maiwaras a kapulisan iti entiro a pagilian malaksid pay ti agarup 17,000 personnel manipud Armed Forces of the Philippines (AFP), Philippine Coast Guard (PCG), ken dadduma nga ahensya.
Impeksa metlaeng ni Co a nainget ti koordinasyon ti pulisya kadagiti nagduduma a local government unit para iti naurnos a gunay dagiti operatiba iti umadani nga undas.
