Inaprobaran ti Senate Committee on Finance ti singasing a P7.7 Billion a pondo ti Senado para iti Fiscal year 2027 kagidan ti panangisingasing iti pondo ti Senate Electoral Tribunal (SET) ken Commission on Appointments (CA).
Kabayatan iti budget presentation, impeksa ni Senate Secretary Renato Bantug, Jr, a ti nasao a pondo ti senado ket para iti panangpatalinaed iti naurnos a serbisyo iti linteg ken para iti pannakapatibker iti responsable a panangaramat iti pondo ti pagilian.
Kagidan dayta, impakaammmo ni ni Bantug a ti P7.7 Billion a singasing a pondo ken nangatngato idi 2.5% nu idilig iti net budget ti senado iti agdama a tawen ngem nababbaba daytoy iti 10.1% iti 2026 General Appropriations Act (GAA).
Innayona metlaeng nga awan anyaman nga audit suspensions, disallowances wenno charges para iti agdama a fiscal year.
