Imimbestigaran ti Philippine National Police (PNP) ti laptop a nasarakan iti sigud a pagtaengan ti ama ni Meghan Markle, nga asawa ni Prince Harry idiay Britain.
Sumagsango ita ti ama ni Meghan a ni Thomas Markle iti kaso a panag-abuso.
Nagnaed daytoy idiay Cebu ngem nagsubli metlaeng daytoy idiay Estados Unidos ita a tawen.
Sigun kadagiti otoridad, malaksid iti laptop, nasarakanda metlaeng dagiti ladawan ti ubbing a maatap nga inabuso ti suspek.
Manamnama met a rumuar ti resulta ti imbestigasyonda kalpasan iti maysa a lawas.
Kabayatanna, immuna metten a pinaglibakan ni Thomas dagiti nasao nga alegasyon no sadino inawaganna daytoy kas ‘ulbos’ ken ‘sick lies’.
Impeksa met ni Interior Secretary Jonvic Remulla nga aramidenda amin a legal nga addang kontra kenni Thomas iti kanito a makakalapda iti umdas nga ebidensya.
Kabayatanna, inyebkas ni Meghan ni nalaos a danagna gapu kadagiti akusasyon a sangsangwen ita ti ama na //kcs// PNP investigates laptop found at Thomas Markle’s former home
