Kiniddaw ni Senate President Sherwin Gatchalian kadagiti Senator-Judges a dengngenda kuma nga umuna ti benneg ti depensa ken kitaenda nu anya dagiti ipresenta ti depensa inton Nobyembre 9 sakbay a desisyonanda ti sumaruno nga addang iti impeachment trial ni Vice President Sara Duterte.
Kabayatanna, nagkedked met daytoy a mangipaay iti komento seknan iti panangawat iti posisyon a Vice President iti kanito a maduktalana a guilty ni VP Sara kadagiti akusasyon a maibatbato kontra kenkuana. Impeksana a ti pokusna pay laeng ita ket ti mannarimaan a proseso ti impeachment.
Maipalagip a maibasar iti konstitusyon, apaman a mabakante ti posisyon ti bise presidente, mabalin a mangdutok ti president iti sumukat manipud iti miyembre ti Senado ken House of Representatives.
