LA TRINIDAD, BENGUET – Inrekomendar ni Mayor Roderick Awingan ti pannakasuspindir ti klase iti dua a pagadalan idiay La Trinidad kalpasan a nakaawat dagitoy iti maatap a pangta iti seguridad.
Nasuspinder klase manipud intun Oktobre 28 agingga inton Oktobre 30.
Sigun kenni Mayor Awingan, ibilbilangda a seryoso ti nasao a pangta ken mannarimaan ti naurnos a panangimanehar dagitoy iti nasao nga isyu.
Imbinglay daytoy a namonitor ti nasao a pangta idi Sabado wenno Domingo ngem naamuan laeng idi Lunes, Oktubre 26 a dagosda nga inaksyonan.
Impetteng ti Mayor a tutukanda ti nasao nga isyu no sadino, naaddaan dagitoyen iti panagtataripno a dinar-ayan dagiti pannakabagi dagiti pagadalan.
Napagnunumuan ditoy a masuspinder paylaeng ti klase bayat a ipatpatungpal ti pulisya ti security verification.
Kabayatanna, imbinglay ni Mayor Awingan a nagkiddaw metlaeng dagitoy iti tulong manipud iti cybercrime unit tapno maduktalan ti nagtaudan ti pangta bayat nga agtultuloy ti panangiwanawan ken security surveillance dagitoy.
Impanamnama ti opisyal nga ar-aramiden ti LGU ken maseknan nga ahensiya ti kabaelan dagitoy tapnu ma-aksyunan ti nasao a pakaseknan.
Maipalagip nga immuna a sinuspinder ti San Jose School of La Trinidad, Inc. – High School Department klase dagitoy kalpasan a nakaawatda iti Shooting threat.
Gapu iti dayta, nag-shift dagitoy iti online ken home learning bayat a maisaysayangkat ti campus security assessment.
Iti agdama, saan paylaeng nga innaganan dagiti otoridad ti maysa a pagadalan a maatap a nakaawat metlaeng iti pangta.
Kabayatanna, kinumpirmar ti La Trinidad Municipal Police Station (LTMPS) nga awan ti naawat dagitoy a pormal a reklamo ngem namonitor dagitoy babaen iti social media.
Iti opisial nga statement ti LTMPS, agtultuloy ti beripikasyon dagitoy iti nasao a pangta.
Guyguyuguyen ti ahensiya ti publiko a liklikan ti ag-repost ken agiwaras iti threatening content ken unverified posts.
Maibalbalakad nga i-screenshot ken ireport iti kanito a makakita iti pangta ti social media, ireport a dagus dagiti anyaman a mapagduaduaan nga aktibidad, suruten ti official advisories manipud iti pagadalan ken dagiti otoridad.//Bombo Noveh Organo
“𝗧𝗼 𝗼𝘂𝗿 𝘀𝘁𝘂𝗱𝗲𝗻𝘁𝘀: We understand that this may be frightening. Police officers, LGU and school officials are working together to protect you. If you feel threatened, witness bullying, or see anything concerning, please report immediately. You are not alone.” – LTMPS
𝐅𝐨𝐫 𝐫𝐞𝐩𝐨𝐫𝐭𝐬 𝐚𝐧𝐝 𝐚𝐬𝐬𝐢𝐬𝐭𝐚𝐧𝐜𝐞. C𝐨𝐧𝐭𝐚𝐜𝐭 𝐋𝐓𝐌𝐏𝐒: 𝟎𝟗𝟐𝟕 𝟒𝟖𝟔 𝟑𝟔𝟎𝟐.
