Pinaglibakan ti Moro National Liberation Front (MNLF) ti espekulasion a salsalakniban dagitoy ni Senator Ronald “Bato” dela Rosa.
Iti statement manipud iti opisina ni MNLF Chairman Muslimin Sema, kinuna daytoy nga awan ti nabukel a pormal a relasion iti nagbaetan ti senador ken ti organisasion.
Innayun ni Sema a ti founder ti organisasion a ni Nur Misuari ket paga-ammo laeng a gayyem ni sigud a President Rodrigo Duterte.
Rumrumuar nga adda ti personal ken political connection ni dela Rosa kadagiti indibidual nga addaan iti koneksion iti MNLF a kas kenni sigud a President Duterte.
Nupay kasta, awan ti beripikado nga ebidensia a miembro wenno saksalakniban ti MNLF ti nasao a senador.
Kabayatanna, dinakamat ti MNLF dagiti report a mangibagbaga a nabingaybingay ti organisasion dagitoy.
Iti baet dayta, saan a masigurado ti organisasion no salakniban dagitoy ni dela Rosa manipud iti pannakaarestar daytoy.
