Inaprubaranen ti Sangguniang Bayan ti Resolution nga inyam-ammo ni Councilor Nestor Fongwan Jr a mangguyguyugoy kadagiti amin nga establisiyemento iti Munisipyo ti La Trinidad, Benguet nga agcomply kadagiti kaskenan a probisyon ti Republic Act No. 10699 wenno ti National Athletes and Coaches Benefits and Incentives Act wenno ti panangipaay iti incentives ken dadduma pay a privileges kadagiti national athletes ken coaches.
Ti nasao a resolution ket mangbigbig ken mangipaay gundaway kadagiti atleta ken coach nga agnumaran kadagiti benefits dagitoy.
Nakalanad iti resolution ti Article XIV, Section 19(1) iti 1987 Philippine Constitution no sadinno nasken nga itandudo ti gobierno ti physical education ken suportaran dagiti nagduduma nga sports program, league competitions ken amateur sports.
Malaksid ti dayta, iti sidung ti Sec 4 (a) ti RA 10699, maipaay ti 20% Discounts kadagaiti nakarehistro ken kuwalipikado a national athletes ken coaches kadagiti amin nga establisiyemento , transportation services (air, sea, land, and public transit), hotels and lodging, restaurants, recreation centers, panagpurchase kadagiti agas ken sports equipment iti inyaman a paset iti pagilian a Pilipinas.
Karaman metlaeng ditoy ti libre a medical ken dental consultations kasta metlaeng ti treatment kadagiti government hospitals ke nti amin a kapada nga establishimento iti entero a pagilyan a pilipinas.
Kasapulan laeng nga adda iti maiparang dagitoy a valid ID manipud iti PSC nangruna kadagaiti private owned business establishments.
Kabayatnna, nakalanad metlaeng iti resolution a sumango ti pannusa iti asinoman a manglabsing iti nasao a linteg.
Mainaig iti dayta, impeksa met ni Vice Mayor Atty. Guiller Galwan a nasken nga agcomply amin nga establisiyemento iti nasao a direktiba.
Iti sabali a bangir, manamnama a maiwaras ti IEC seknan iti nasao a direktiba kadagiti stores wenno inyaman a mabalin a pakaikabilan dagiti materials tapnu mapaka-amwan ti publiko nangruna dagiti business establishments.
Saan laeng met a malimitaran iti nasao nga issue ti IEC nu diket karaman metlaengen dagiti resolution ken ordinances a kasapulan a maipakaammo. // via Bombo Noveh Organo
