Nadiskubre manen ti maysa pay a dumping site dagiti natay a taraken nga ayop idiay San Jose del Monte City, Bulacan ita nga aldaw.
Daytoy ket iti tengnga ti imbestigasyon iti immunan a nadiskubre a naibelleng a bagi dagiti natay nga aso ken pusa iti metlaeng nasao a siudad.
Sigun iti report, nasarakanda iti maysa a septic tank idiay Barangay Minuyan IV idiay San Jose del Monte City ti bagi ti natay nga aso a naikabil iti uneg ti sako.
Kabayatan iti imbestigasyon, nasarakan pay ti walo a sako a naglaon ti natay nga aso.
Kabayatanna, impeksa ni Bacoor City Mayor Strike Revilla nga ituloyda a mangipila iti kaso kadagiti responsable nga indibidual.
Malaksid iti dayta, impakaammona nga inbilinna metlaengen ti panangisagana kadagiti regulasyon para iti pet cremation ken ti panangadal iti panangipatakder iti bukod a pet cremation ti nasao a siudad.
