Imbutaktak ni Senate President Sherwin Gatchalian idi kalman a mangkissay ti senado iti agarup P8.836 Billion a gatad iti infrastructure projects manipud iti 2027 national budget gapu kadagiti mapukpukaw a dokumento manipud iti Department of Public Works and Highways (DPWH).
Sigun kenni SP Gatchalian, daytoy ket kasaruno iti panangiwaragawag ni sigud a DPWH Secretary Vince Dizon nga adda iti 295 proyekto a non-compliant iti evaluation ti nasao nga ahensya.
Innayon pay ni Gatchalian a naduktalan a 62% iti 11,395 infrastructure projects ti addaan iti maysa a major budgetary red flag.
Karaman ditoy ti kinakurang ti station numbers,geographical coordinates, lump-sum allocations, ken dadduma pay.
Inyunay-unay met ni SP Gatchalian nga agtultuloy ti komitment ti senado iti panangdalus kadagiti mapagduaduaan a proyekto a pang-imprastraktura.
Sigun pay kenkuana, saan a mapondoan dagiti proyekto nga awanan tii kaskenan a dokumento.
