Balligi a naisayangkat idi kalman, Nobyembre 7, ti umuna a boxing tournament sadiay Malcolm Square, Baguio City.
Ti nasao nga aktibidad ket inorganisa iti Baguio Boxing Union, maysa a baro nga organized ken SEC registered nga organization a bukbuklen dagiti boxing coaches, trainers, ken dadduma pay.
Sigun kenni Baguio City Councilor Vladimir Cayabas, Baguio Boxing Union Incorporated President, naragsak daytoy gapu ta adu dagiti nakipaset nangruna ta adda pay dagiti manipud national team.
Sigun pay kenkuana, nakapokus ti nasao nga event iti lokal isu nga adda dagiti local talents a nakipaset iti toxing tournament.
Malaksid iti tournament, adda pay iti special event no sadino dagiti met female boxers ti nangipakita talents da.
Manamnama met a saan laeng a daytoy ti umuna a gundaway para iti tournament gapu ta sigun iti nasao nga opisyal, agtultuloy daytoyen nga event.
Iti sabali a bangir, ginuyugoy met ti opisyal ti publiko a suportaran dagiti kapada nga event, nangruna iti panangpasayaat kadagiti abilidad dagiti agtutubo babaen iti sports.
Sigun kenkuana, saan laeng a panagkompetensiya ti panggep dagitoy a tournament nu diket maysa metlaeng a gundaway tapno maipakita ti talento dagiti lokal a boxers ken maited kadakuada ti gundaway nga agdur-as iti nasao a tay-ak.
Namnamaenda met a babaen iti panagtultuloy ti nasao nga aktibidad, adu pay dagiti agtutubo a maawis a makipaset iti boxing ken maikkan iti umno a panagsanay.
Inlawlawag pay ni Cayabas a napateg ti suporta ti publiko ken dagiti stakeholders tapno agtultuloy ti panagdur-as ti boxing iti Baguio City ken maipangato dagiti lokal
