--Ads--
Kinuwestionaran manen ni Vice President Sara Duterte ti singasing ti gobyerno a panangaramat kadagiti balde kas panagsagana iti posible nga epekto ti El Nino phenomenon iti pagilian.
Impeksana daytoy kabayatan iti pannakitiponna kadagiti overseas Filipino workers idiay Hong Kong idi kalman, Nobyembre 8. Sigun kenkuana, saan nga umdas ti balde tapno makaurnong iti rainwater.
Innayon pay daytoy a rumbeng metlaeng a pagpokusan ti gobyerno ti nainginget a panagsagana, partikular iti panangsigurado nga ada ti umdas a suplay ti taraon ken danum.
Impeksana a kasapulan iti konkreto a plano ti gobyerno tapno maaddressan dagiti posible nga epekto ti El Nino kadagiti nagduduma a sektor.
