--Ads--
Impeksa ti National Bureau of Investigation (NBI) a nakasagana daytoy a mangasistar iti extradition ni Kingdom of Jesus Christ (KOJC) founder Apollo Quiboloy, a mannarimaan nga adda iti Pasig City Jail.
Maipalagip a nangipaulog ti Makati Regional Trial Court (RTC) iti exradition arrest warrant ken hold departure order kontra kenni Quiboloy ken dua pay nga akusado a da Teresita Tolibas Dandan ken Helen Panilag.
Maipalagip metlaeng a naarestar ti nasao a religious leader idi Setyembre 2024 gapu iti kaso a pananglabsing iti Republic Act 7610 wenno iti Special Protection of Children Against Abuse, Exploitation, and Discrimination Act. Malaksid iti dayta, sumagsango metlaeng daytoy iti kaso a qualified human trafficking nga awanan iti piyansa.
