--Ads--

Nangdutoken ti gobyerno lokal ti Munisipyo ti Itogon kadagiti Barangay Peacekeeping Action Teams (BPATs) ken Barangay Kagawads tapno mangi-issue kadagiti Traffic Citation Tickets (TCTs) kadagiti maglablabsing iti linteg trapiko iti nasao a munisipyo.

Sigun iti lokal a gobyerno ti Itogon, panggep ti nasao nga addang a mapatibker ti pannakaiyemplementar dagiti linteg trapiko kadagiti kalkalsada iti munisipyo ken tapno mapalagipan ken maguyugoy dagiti motorista nga agtulnog iti linteg ken dagosda nga isimpa dagiti violations dagitoy.

Dinmalan metten dagiti nadutokan a grupo ken indibidual iti deputization training workshop nga impatungpal ti Department of Transportation (DOTr).

Manamnama a rugian dagitoy ti trabahoda inton bigat, Nobyembre 18, 2026.

Kabayatanna, inlawlawag ni Police Captain Allen P. Ande, Chief of Police iti Itogon MPS , nga isumitirda dagiti rekord da seknan kadagiti saan a nabaybayadan a Traffic Citation Tickets (TCTs) iti Land Transportation Office (LTO) para iti kaskenan nga aksyon.

Sigun kenkuana, apaman a naisumitir iti LTO ti record, saan a mabalin a makapabaro iti lisensya dagiti maseknan a motorista agingga saanda a naisettle dagiti violations dagitoy.