--Ads--

Nabigbig ni Governor James S. Edduba kas first recipient ti “Natatanging Indigenous Peoples (IP) Award 2026”, babaen iti panangidaulo ti PMSEA ken NCIP-CAR. Daytoy a pammadayaw ket mangbigbig kadagiti lider a nangsalaknib ken mangitagtag-ay iti kultura, karbengan, pagbiagan, ken kinatalged ti aglawlaw dagiti katutubo.

Nabigbig daytoy gapu iti pannakaipatungpal ti LUMIN-AWA 8-Point Agenda, ti panangiparangarang iti kultura ti Kalinga babaen iti “Awong Chi Gangsa”, “Agtun Chi Banga” a nairaman iti Guinness World Records, ken ti panangurnos iti “Kalinga Pagta” tapno maprotektaran dagiti kaugalian, linteg, ken tradision dagiti umili.

Iti agdama ket itultuloy ni Edduba ti panangsalaknib iti kinatalged ti aglawlaw, panangpasayaat iti turismo, ken panangpabileg iti traditional a panaggabel ti Kalinga babaen iti Kalinga Weaving Center idiay Lubuagan.

Daytoy a pannakaitag-ay ket mangipakita iti agtultuloy a panagserbina para iti karbengan, kultura, ken pagimbagan dagiti umili ti Kalinga, tapno maipasdek ti nasaysayaat ken natalged a masakbayan para kadakuada. //Bombo Jerwin Aquino