--Ads--

Namnamaen ni Senate President Sherwin Gatchalian nga agleppas ti impeachment trial ni Vice President Sara Duterte sakbay ti holiday break wenno baru a tawen.


Nupay kasta, kinuna ni Gatchalian a saan a masinunuo ti senado ti timetable ti trial agsipudta, nakadipende daytoy iti kinabayag ti witness examination ken dadduma pay a trial proceedings.


Immuna nga inkari ti Senate impeachment court ti pito nga aldaw para iti presentasion ti depensa iti ebidensia kontra kadagiti alegasion a sangsangwen ti bise presidente.


Sigun kenni Gatchalian, impaayan metlaeng ti korte ti depensa iti nawadwad nga oras a mangipresenta iti kaso.


Kabayatanna, namnamaen ti opisial nga innem agingga walo a testigo ti ipresenta ti depensa kadagiti sumarsaruno nga aldaw ti impeachment trial.//