Kinidaw ti defense team ni sigud a President Rodrigo Duterte iti International Criminal Court (ICC) ti pannakaibasura ti testimonya ti kangrunaan a testigo ti prosekusyon.
Sigun iti depensa, saan a napaneknekan dagiti prosecutors a saan a mabalin nga agtestigo ti witness dagitoy.
Impeksa metlaeng daytoy a saan pay a kapapati dagiti insawang ti testigo.
Nangipila ti depensa iti petisyon idi Nobyembre 18 a mangkidkiddaw iti depensa ti ICC Trial Chamber nga ibasurada ti kiddaw ti prosecution nga awaten ti korter ti ebidensya ti witness P-0002, maysa kadagiti kangrunaan a source ti prosekusyon seknan iti kaso ni sigud a President Duterte.
Kinuwestonaran pay ti depensa ti kredibilida ti witness gapu iti agbaliw-baliw nga statement daytoy.
Kabayatanna, maipatungapalen inton Nobyembre 30 ti trial proper para kenni FPRRD no sadino manamnama a maipresenta ti lima a testigo ti prosekusyon sakbay a maadaanda iti winter break mangrugi inton Disyembre 18.











