--Ads--
![](https://img.bomboradyo.com/baguio/2022/08/Balik-Eskwela-Diskwento-Caravan.jpg)
BAGUIO CITY – Panggep ti Department of Trade and Industry (DTI) – Baguio Benguet a mangilukat ti ad-ado pay a Balik Eskwela Diskwento Caravan babaen iti panakipartner-da iti nagduduma nga establishemento tapno matulongan ti publiko nangruna dagiti low income earners.
Ti nasao a caravan ket mangididiaya ti nababa a presyo ti school supplies gaputa ti discounted daytoy a gatangen ti publiko para iti umadanin a panagrugi ti klase inton Agosto 22.
Immunan a nangilukat ti DTI- Baguio Benguet ken ti partner-da a Puregold iti Balik Eskwela Diskwento Caravan kabayatan ti Session Road Sunday Market idi Agosto 14.
Naituding manen a mailukat ti nasao a caravan inton Agosto 21 sadiay session road isut gapuna a maaw-awis ti publiko a makipaset iti daytoy.