Inawagan ni President Ferdinand “Bongbong” Marcos Jr. ti Kongreso nga amyendaranda ti Electric Power Industry Reform Act (EPIRA) tapno mapasardeng dagiti systems loss charges, pakairamanan ti value-added tax (VAT) a baybayadan dagiti konsyumer.
Daytoy ti maysa kadagiti kangrunaan a dinakamat ti presidente kabayatan ti maikalima nga State of the nation addressna idi July 27, 2026.
Sigun kenni President Marcos Jr., saan a basol dagiti konsyumer no apay nga adda ti systems loss isu’t gapuna a saan nga umno nga agbayad dagitoy.
Gapu iti dayta, kidkiddwenna ti dagus a pannakaamyendar ti EPIRA tapno maiparit ti panagsingir iti systems loss ken value added tax kadagiti konsumers.
Inawagan metlaeng ni President Marcos Jr. dagiti mammanday linteg a mangisubmitirda iti Sariling Kuryente Act tapno ad-adda a makissayan ti gastos iti koriente para kadagiti Pilipino.
