BAGUIO CITY – Impanamnama ti City Health Services Office (CHSO) a kontrolado dagiti adverse effects a mairekrekord kadagiti natataengan ditoy siudad ti Baguio a nagpabakuna kontra iti COVID-19.
Sigun kenni CHSO Nurse V Sonia Insas, adda dagiti senior citizens a nagpabakuna kontra iti COVID-19 a nakapasar iti side effects ngem dagitoy ket dagus a nakontrol.
Dinakamatna a kaaduan kadagiti epekto a napasaran dagiti nabakunaan a senior citizens ket ti panagsakit ti paset a nabakunaan, panagngato ti temperatura, panagsakit ti bagbagi, panaggurigur, panagbakwar ken sumagmamano a panagngato ti blood pressure.
Inlawlawagna met a normal laeng dagitoy a side effects ti panagpabakuna.
Innayonna nga awan mt ti namonitorda a dakkel a parikot iti salun-at dagiti nagpabakuna, nangruna dagiti natataengan.
Maipalagip a manarimaan ita ti panagbakuna kontra iti COVID-19 iti A2 category wenno dagiti senior citizens.
