Impila ni sigud nga Speaker ken Leyte Rep. Martin Romualdez ti supplemental counter-affidavit iti Ombudsman kas sungbat iti manarimaan nga imbestigasyon kontra kenkuana.
Maim-imbestigaran ni Romualdez gapu iti plunder, graft, bribery ken money laundering mainaig iti naanomalyaan a flood control projects.
Sigun iti maysa kadagiti abogado ni Romualdez a ni Atty. Ade Fajardo, karaman iti supplemental counter-affidavit dagiti 25 nga affidivates dagiti indibidual tapno mapaneknekan a saan a pudno ti alegasyon dagiti ex-bodyguards ni sigud nga Ako Bicol party-list Rep. Zaldy Co.
Karaman kadagiti 25 nga indibidual ni Orly Guteza a nangakosar kenni Romualdez a nakaawat iti minal-maleta a kuarta.
Malaksid kenni Guteza, karaman metlaeng ditoy dagiti naawis a makikadua iti grupo ti 18 nga ex-bodyguard a kasukat ti “financial reward.”