Nagballaag ti Armed Forces of the Philippines (AFP) iti publiko maipapan iti panggep ti China a mang-impluwensiya iti pagilian a Pilipinas nangruna kadagiti sektor ti edukasyon, negosyo, media kasta met kadagiti local government units (LGUs).
Impeksa ni Armed Forces of the Philippines chief of staff General Romeo Brawner Jr. a plano ti China a dadaelen ti value system dagiti Pilipino ken ti panangwaswas kadagitoy.
Gapu iti dayta, kinuna ni Brawner a nasken ti panagridam ken ti saan a panangpadakes wenno panang-apa kadagiti pada a Pilipino.
Kabayatanna, kinumpirmar ti National Security Council nga adda dagiti sumagmamanu a grupo ken indibidual a mangiwarwaras iti impluwensiya ti China iti pagilian.
Nu pay kasta, kinuna ni National Security Council assistant director general Jonathan Malaya nga awan ti espesipiko a linteg ti pagilian maipapan iti “foreign malign influence” wenno ti panag-impluwensya ti daduma a pagilian iti Pilipinas.
