![](https://img.bomboradyo.com/baguio/2021/03/Carl-Adam-Resurrecion-2.jpg)
BAGUIO CITY – Natiliw ti ag-live-in partner iti buy-bust operation nga insayangkat dagiti otoridad idi rabii iti deppaar ti Tam-awan-Long Long Road sadiay Purok 4, Pinsao Proper, Baguio City.
Nabigbig dagitoy a da Carl Adam Resurrecion, 20-anyos ken Monique Garcia Melchor, 19-anyos.
Naamuan a ni Resurrecion ket nakalista nga Street Level Individual ken karaman iti target list ti PDEA-Baguio.
Kabayatan ti operasyon ket nakumpiskar kadakuada ti tallo a pakete ti maatap a shabu nga agdagsen ti 2.4 grams ken aggatad ti nasurok P16,000.
Nakumpiskar pay kadakuada ti naaramat a buy-bust money, coin purse ken ti inaramatda a motorsiklo.
Iti agdama, sumangsangon ti ag-live-in partner iti kaso a panaglabsing iti RA 9165 wenno ti Comprehensive Dangerous Drugs Act of 2002.