Imbutaktak ni Senator Erwin Tulfo nga agarup 10 a Kongresista iti 20th Congress ti kontraktor kadagiti proyekto a pinondoan ti gobierno.
Sigun kenni Sen. Tulfo, daytoy ti kaudian nga impormasion a naawatna.
Nupay kasta, saan a sinungbatan ken saan paylaeng nga ammo ti nasao a senador no adda ti kontraktor ti government-funded projects kadagiti kakaduana a senador.
Daytoy ti kinuna ni Sen. Tulfo, kasaruno ti ballaag ni President Ferdinand Marcos Jr. kadagiti opisial a karaman iti korapsion, mainaig iti flood control projects.
Immuna metlaeng nga imbilin ti Presidente a maibestigaran dagiti flood control projects ken dadduma a proyekto ti gobierno.
Maipalagip a nangipila met ni Senate President Francis Escudero iti gakat a mangipawil kadagiti kongresista wenno anyaman a government officials ken dagiti kabagian dagiti opisial ti gobierno agingga iti maikapat a civil degree a mangala iti kontrata manipud iti gobierno.
