Pimmusay ti agarup sangapulo a tattao kalpasan a pinuntiria ti maysa a suicide bomber ti pila dagiti recruit nga agtutubo nga agparehistro iti Damanyo military base iti kabesera ti Somalia a Mogadishu, sigun kadagiti nakasaksi.
Nagpila dagiti agtutubo iti ruangan ti base militar idi impasabogna dagiti eksplosibo.
Sigun iti maysa a military captain, nakitana ti napasamak ken dinakamatna nga agnagan daytoy ti Suleiman.
Sigun pay iti maysa a saksi a ni Abdisalan Mohamed, naimatanganna dagiti ginasgasut nga agtutubo iti ruangan idi limmabas ti bus a naglugananda.
Kinuna dagiti medical staff iti military hospital a nakaawatda ti 30 a tattao a nadangran manipod iti panagpasabog ken innem kadakuada ti dagos a pimmusay.
Awan paylaeng ti ammo dagiti opisial ti gobierno sadiay isut gapuna a saanda paylaeng a makaipaay ti komento.
Iti agdama, manarimaan paylaeng ti imbestigasion dagiti otoridad seknan iti nasao a banag.
Maipalagip nga idi tawen 2023, napasamak metlaeng ti kapada nga insidente idi adda ti maysa a suicide bomber a nangpapatay iti duapulo ket lima a suldado iti Jale Siyad base, a masarakan iti Damanyo facility.
