Naideploy ti agarup 1,000 a medical personnel kadagiti Health Centers iti pagilian tapno agasistar kadagiti flood victims.
Malaksid iti dayta, sumagmamano a government hospitals ti naisagana a mangakomodar kadagiti pasiente nga agkasapulan iti medical nga atension.
Sigun kenni DOH spokesperson Assistant Secretary Albert Domingo, dumanon iti 1, 184 a doktor ken nurses ti nakasagana, nangruna kadagiti lugar a naapektaran iti layus.
Naiwaras dagiti medical personnel iti Ilocos, Central Luzon, MIMAROPA, Bicol ken Metro Manila.
Impanamnama ni Domingo nga amin a personnel ti Deparment of Health a naipatulod ket maipaayan dagitoy iti proper working hours, rotation ken maipaayan dagitoy iti umdas nga inana.
Kabayatanna, kinuna ti nasao nga opisyal a sumagmamano nga ospital ti nangpaadu iti bed capacity dagitoy, tapno maakumadar ti adu a pasiente.
Maipalagip nga immuna a kinuna ti Department of Health (DOH) a nagiwaras dagitoy iti P31 Million a gatad ti emergency medicine iti entero a pagilian, ken maiwaras ti kanayonan nga P180 Million a gatad ti agas.
