--Ads--
Pimmusay ti agarup 12 bayat a nadangran ti agarup 11, kalpasan a pinalpaltugan ti dua nga aramado a lallaki sadiay Bondi Beach, Australia idi Desiembre 14, 2025.
Sigun kadagiti otoridad, pimmusay ti maysa a suspek bayat nga adda itan iti kostudiyada ti maysa.
Mainaig iti dayta, kinuna ni Prime Minister Anthony Albanese a makakigtot ken makariribuk ti napasamak nga insidente.
Awan paylaeng ti impormasion dagiti otoridad seknan iti motibo dagiti suspek.
Nupay kasta, kinuna dagiti sumagmamano nga otoridad a punteria dagiti suspek ti Jewish community sadiay Sydney a nagu-ummong para iti umuna nga aldaw ti Hanukkah.
