Dumanon iti 15 nga indibidual ti pimmusay kalpasan a nabaliktad ti maysa nga speedboat a nagluganan dagiti turista nga Indian idi July 11, 2026.
Napasamak ti insidente iti asideg ti maysa nga isla iti abagatan a paset ti pagilian a Vietnam.
Sigun kadagiti otoridad, 32 nga Indians ken uppat a crew ti nakalugan iti nasao nga speedboat.
Nabaliktad iti agarup 400 a metro manipud iti isla ti Hon May Rut Ngoai kabayatan ti saan a nasayaat a sasaaden ti baybay idi Sabado.
Iti inisyal nga imbestigasion, Indian citizens dagiti kaaduan a biktima bayat nga agarup 21 dagiti naispal.
Sumagmamano kadagiti biktima ti na-trapped iti uneg ti speedboat.
Iti agdama, agtultuloy paylaeng ti search and rescue ken nga imbestigasion dagiti otoridad seknan iti napasamak nga insidente.
Pagaammo ti Hon May Rut Ngoai a bassit nga Isla iti An Thoi Archipelago iti Gulf ti Thailand no sadino, adu a turista ti maaw-awis nga ag-island-hopping boat tours.
