Nagbakwit ti agarup 1,700 a turista gapu iti dakkel nga uram a nagramaram iti maysa a luxury resort sadiay Dominican Republic sigun kadagiti maseknan nga otoridad idi Biernes, June 19, 2026.
Sigun kadagiti otoridad, maysa nga Italian tourist ti pimmusay bayat a sumagmamano a turista ti naipaayan iti medial assistance.
Maibasar iti inisyal a datos, dumanon iti 1,690 a turista ti naibakwit manipud iti nasao a resort gapu iti nasao nga uram.
Manarimaan paylaeng ti imbestigasyon dagiti otoridad iti rason ti napasamak nga uram.
Sigun iti Emergency Operations Center ti nasao a pagilian, napartak ti panagramaram ti uram gapu iti angin.
Masarakan ti Viva Dominicus Beach by Wyndham resort idiay Bayahibe, nalatak a destinasion dagiti turista manipud U.S ken dadduma nga international tourists.
