AFGHANISTAN- Pimmusay ti innem nga indibidual, kalpasan ti panagatake ti gunmen iti maysa a mosque idiay western Afghanistan, bayat ti panagkararag dagitoy itay nabiit.
Sigun kenni Mawlawi Nesar Ahmad Alyes, panakangiwat ti gobernador iti probinsia ti Haret, manarimaan paylaeng ti imbestigasion dagiti otoridad para iti pakabigbigan dagiti suspek, a nangpapatay kadagiti biktima pakairamanan ti babbae, ubbing ken tallo nga indibidual a nadangran.
Kabayatanna, kinuna dagiti grupo ti Taliban a naipamaysada ti panangisubli iti seguridad ti Afghanistan, nangrugi idi inturayanda ti kaaduan a paset ti nasao a lugar.
Nupay kasta, agtultuloy dagiti panangraut a nangpuntiria kadagiti moske, religious seminaries ken pasdek ti gobierno iti laksid ti panagpatingga idi 2021 ti baente a tawen a gubat iti nasao a lugar.
