BAGUIO CITY–Pimmusay ti maysa nga aggasawa bayat a nadangran ti dua pay iti panakatnag ti nagluganda a van iti 500 a metro ti kaunegna a rangkis sadiay Sitio Limood, Barangay Balinciagao Sur, Pasil, Kalinga itay kanikadua.
Nabigbig dagiti aggasawa a pimmusay a da Marilou kenni Daniel Minong bayat a nabigbig ti nadangran a van driver a ni Edmar Baddongon ken dagiti dadduma pay a pasahero a da Jerry Baddongon, Mark Arel Lapitan, , kenn Jhonred Dawaron no sadino bin-ag dagitoy a mannalon manipud sadiay Barangay Balinciagao Norte.
Sigun kenni Kalinga Provincial Police Office director Police Col. Davy Limmong, paturong dagiti nadakamat nga indibidual sadiay Lubuagan, Kalinga idi kilaat a napukawan iti preno ti nasao a van pasado alas-sais ti sardam.
Nangitunda daytoy iti panakatnag ti van iti 500-metro a kaunegna a rangkis.
Naamuan a nabaelan da Dawaron kenni Lapitan ti limmagto iti paruar iti lugan sakbay pay a natnag daytoy iti rangkis.
Nagsangrap met iti nakaro a dunor ti dua pay kadagiti pasahero a dagos met a naiturong sadiay Lubuagan Hospital bayat a naideklara thedied on spot dagiti aggasawa a Minong.
