Mapalpalagipan dagiti agngayangay a tungpalenda ti sinapataanda idi nangipila dagitoy iti kandidatura.
Iti panakiuman iti Bombo Radyo kenni Attorney John Paul Martin,Election Officer iti Commission on Elections-Baguio, nakalanad iti panata para sa malinis, marangal,at may dignidad na kampanya sa halalang 2025 dagiti pagannurutan iti eleksyon nga obligado a tungpalen dagiti agngayangay.
Gapu iti dayta,mangnamnama ni Atty.Martin a saan a mangipatungpal dagiti agngayangay kadagiti aksyon wenno taktika a mabalin a makapagpataud iti misinformation pakairamanan ti panagaramat iti AI Generatd Tools.
Impetteng ti opisyal a mangrugi laeng ti panagkakampanya inton bulan ti Marso para kadagiti local positions ken inton Pebrero met para kadagiti national positions.
Inayonna a nasaysayaat nu aginana paylaeng iti agdama dagiti agngayangay sakbayda nga ipapas ti agkampanya inton madanon ti naituding campaign period.
Maipalagip nga immunan nga inlawlawag ni Commission on Elections Chairperson George Erwin Garcia a saan pay a maibilang a kandidato ti maysa nga indibidwal kalpasan ti panangipila daytoy iti Certificate of Candidacy(COC) rason a nawaya paylaeng daytoy nga agpakaammo wenno makialamano kadagiti botante.//Bombo Rob Dominguez
