Impaganetget ti Department of Foreign Affairs (DFA) nga awan ti pammalawag ti China Coast Guard’s (CCG) iti agresibo a tignay dagitoy a nagresulta iti minor collision iti Philippine civilian vessel idiay West Philippine Sea idi Biernes,September 18, 2026.
Ti nasao nga insidente ket nakairamanan ti China Coast Guard vessel CCG-21585 ken barko ti Bureau of Fisheries and Aquatic Resources (BFAR) a BRP Datu Magat Salamat (MMOV-3015).
Sigun iti DFA, awan ti justification ti CCG vessel iti agresibo a tignay dagitoy kontra iti Philippine civilian law enforcement vessel, mangdadael iti barko ken mamagpeggad iti kinatalged dagiti civilian crew.
Impaganetget ti ahensiya a ti BFAR ket mangisayangkat laeng iti rutina ken nainkalintegan a humanitarian activities tapno masuportaran dagiti mangngalap a Pilipino iti West Philippine Sea.
Kabayatanna, impeksa ti DFA a kidkiddawen ti Pilipinas iti China a respetuenda ti Philippine sovereign rights iti uneg ti exclusive economic zone daytoy a maitunos iti UNCLOS a pinasingkedan ti 2016 Arbitral Award.
