Dumanunen iti agarup 1.59 million nga indibidual ti naapektaran iti magnitude 7.8 a ginggined idiay Mindanao idi June 08,2026.
Maibasar iti situational Report ti National Disaster Risk Reduction and Management Council (NDRRMC), dumanon iti 37,664 a pamilya ti apektado kadagiti 580 a barangay sadiay Davao Region ken SOCCSKSARGEN.
Iti nasao a bilang, 22,109 a tattao ti adda iti evacuation centers bayat a 63,351 dagiti adda iti ruar ti nasao a Centers.
Sigun iti NDRRMC, dumanon iti 77 dagiti kompirmado a pimmusay bayat a 31 paylaeng dagiti mapukpukaw.
Kabayatanna, dumanon iti 130 a kalsada ti nadadael bayat 47 a rangtay dagiti naapekaran.
Mainaig iti dayta, apektado ti power line dagiti 47 a siudad ken munisipyo no sadino,14 paylaeng ti naisubli.
Sigun iti ahensiya, impaay ti Department of Social Welfare and Development, Office of Civil Defense, ken local government units ti P318.66 million a gatad ti tulong para kadagiti apektado a lugar.
