--Ads--
![](https://img.bomboradyo.com/baguio/2022/07/293444066_573985507702157_867781251355645930_n.jpg)
BAGUIO CITY – Binallaagan manen ni Baguio City Mayor Benjamin Magalong dagiti agtagikua kadagiti auto shops ken car wash centers a pagtalinaeden da ti kinadalus ti pwesto dagitoy.
Immunan a nangipaay iti ballaag ti mayor idi bulan ti Abril kalpasan a naobserbaran na ti panagbaybay-a dagiti sumagmamano a shop owners.
Kaadoan kadagitoy a shops ket narugit, saan nga umno ti panangibelleng da kadagiti toxic materials kas ti oil ken kemikals.
Gapu iti daytoy, binilin ni Mayor Magalong ti Public Order and Safety Division ken ti Permits and Licensing Division a sukimaten da dagiti shops iti Baguio City tapno maballaagan dagitoy.