BAGUIO CITY – Naibilin iti agtultuloy a panag aramat iti facemasks ken dadduma pay a probisyon iti sidong ti COVID19 Alert Level 1 iti Baguio City.
Sigun ken Mayor Benjamin Magalong, maipasidong ti syudad iti nasao nga alert level agingga iti maudi nga aldaw ti Hunyo
Gapu iti dayta, masapol latta nga agtungpal kadagiti direktiba ti Inter-Agency Task Force for the Management of Emerging Infectious Diseases (IATF-EID) iti agtultuloy a kampanya kontra iti COVID19
Impettengna nga awan pulos ti panggepna a mangiruwar iti desisyon a mangkontra iti pammilin ti IATF a posible a makakumpromiso iti salun at dagiti umili.
Innayunna a maikkat laeng ti panag aramat iti facemasks iti kanito nga iwaragawag ti nasyonal a gobierno nga awanen ti pandemya
Kinunana a ti napateg iti agdama ket iti panagtungpal ken saan a panaglabsing kadagiti pagalagadan ti IATF
Dinakamatna pay a maob obserbaran ita iti in inot a pannakailista manen ti kaso ti COVID19 iti syudad isut gapu nga inyunay unayna nga inyapela iti publiko iti agtultuloy a panangsurot kadagiti minimum public health standards
