Binabalaw iti Akbayan Party ti mapapati a nagulo ken narisgo a panangidaulo ni Senate President Alan Peter Cayetano, kasaruno iti insidente a napasamak idi kalman iti uneg iti Senado.
Sigun kenni Akbayan President Rafaela David, nagbalin a makapadanag ken mapagduaduaan ti insidente, nu sadinno mapapati nga adda pakainaigan dagiti armado a grupo.
Impaganetgetna a mabalin a naaramat ti kasasaad tapno agaramid iti gulo.
Sigun pay iti Akbayan, mapapati nga adda ti posiblidad a ti insidente ket nadisenio tapno mapapartak ti panagikkat wenno panaggaraw iti sumagmamano nga indibidual, karaman ni Senador Ronald dela Rosa, wenno tapno maipluwensiaan ti agbalin a desision iti Korte Suprema.
Awan pay ti sungbat ti kampo iti nadakamat nga opisial seknan kadagiti akusasion, bayat nga agtultuloy paylaeng ti nagsina nga imbestigasion kadagiti otoridad iti insidente iti Senado.
