Baguio City-Nakasagan dagiti kangrunaan nga aktibidad iti maikasangapulo ket pito nga edisyon ti Hotel and Restaurant Tourism Week 2024 a maipatungpal intun sumaruno a bulan ti Oktubre.
Maysa kadagiti kangrunaan nga event ditoy ti Mr. and Ms. HRAB nu sadino dagiti partisipanti ditoy ket dagiti estyudante ti Hospitality ken Tourism students karaman dagiti professionals manipud kadagiti unibersidad ken pasdek negosyo a moembro ti HRAB.
Dumanon iti agarop dua pulo a kandidato ti naiparang ken naiyam-ammu iti publiko ken ditoy nga agiyawed iti P100,000.00 dagiti grand winner.
Naituding ti pre-pagent kadagiti sumarsaruno nga aldaw ken ditoy a maipasidong iti nainget a screening dagiti contestants mangrugi intun Setyembre 22 para iti talent, panagpili iti Darling of the Press intun Oktubre 8 ken Grand coronation intun Oktubre 18 a maisayangkat idiay Cordillera Convention Hall ti Baguio Country Club.
Kabayatan na, maitampok pay ditoy ti “Rice and Shine Culinary” event nu sadino maiparang dagiti maipanpannakel a taraon iti Cordillera kas iti Pinuneg, Pares, Kini-ing, Pinikpikan ken nagduduma a variety ti fried rice.
Ti HRAB ti maysa kadagiti kadakkelan a grupo a mangibagbagi iti hotel and restaurant iti Baguio City ken nabukel dagitoy tapno makatulong iti naan-anay a panangital-o iti turismo iti Summer Capital of the Philippines.
Ti HRAB ket idaolwan da Anthony De Leon kas President ken ni Jeff Ng kas Chairman.// Jordan Tablac
