Nangpila iti Quezon City Prosecutors Office ti aktres a ni Bea Alonzo ti tallo nga agsasabali a criminal case para iti cyber libel kontra iti showbiz columnists ken online hosts a da Cristy Fermin ken Ogie Diaz kadua dagiti co-hosts iti online program dagitoy.
Nangipal pay ti aktres ti reklamo kontra iti maysa nga online basher a nagpammarang nga asideg kenkuana.
Naisurat iti affidavit ni Bea a biktima daytoy ti saan a pudno ken makapirdi nga impormasion manipod iti maysa a tao a nagpammarang nga asideg kenkuana nga impablaakna ken napagsaritaan iti online shows da Fermin ken Diaz nga awanan ti pangibasaranda.
Karaman ti agsasaruno a panag-insulto iti aktres kadagiti “column” ken “shows” pakairamanan dagiti patta-patta a saan nga agbaybayad daytoy ti umno a bingay ti gobierno wenno buis.
Kadua ti aktres iti panangipilada ti kaso a ni Atty. Joey Garcia ken ti manager-na a ni Shirley Kuan.
Iti agdama, awan pay ti inruar a komento ti benneg ni Diaz ken Fermin maipapan iti kaso a naipila kontra kadagitoy.
