Impetteng ni Department of Interior and Local Government Secretary Jonvic Remulla a dakkel ti tiyansa a maarestar ni Sen. Ronald “Bato” Dela Rosa a naudi a nakita iti publiko idi Mayo.
Nupay kasta, saanan nga inlawlawag ti maipapan iti daytoy a banag.
Malaksid iti dayta, saanen a sinungbatan ni Remulla no sino ti mangsalsalaknib kenni Dela Rosa.
Inlawlawag ni Remulla a saannan nga ibutaktak agsipudta posible a mapurnada ti operasyon dagitoy no ipakaammona.
Saan metlaeng a nangipaay ni Remulla iti komento seknan iti bilang dagiti paltong nga insuko ti kampo ni Dela Rosa.
Kabayatanna, kinuna ni Remulla a posible nga adu a tao ti matay iti kanito nga ipatungpalda ti full operation.
Maipalagip a sumangsango ni Dela Rosa iti arrest warrant manipud iti International Criminal Court (ICC) gapu iti pakainaiganna iti crime against humanity iti “war on drug” kabayatan ti administrasyon ni sigud a President Rodrigo Duterte nga iti agdama ket nakabalud sadiay The Hague, Netherlands.
