Nainget a pinaglibakan ni House Speaker Martin Romualdez ti maatap a pakainaiganna iti korapsyon iti Kongreso kasaruno ti panangibinsa-binsa dagiti agassawa a Discaya kadagiti kongresista a sigun kadakuada ket nakaawat iti kickbacks manipod kadagiti flood control projects nga iggemda.
Sigun kenni Romualdez, awan ti ammona iti daytoy ken awan iti pinatganna a mangaramid iti nasao a banag.
Impettengna a saan pulos ken iti kaanuman ken saan nga umawat kadagiti bribe manipod iti siasinomam.
Inlawlawagna a rumbeng a madusa dagiti nangaramat iti naganna tapno makaawat iti komisyon ken kontrata kadagiti proyekto iti baet nga awan ti pammalubosna.
Maipalagip nga iti naangay a panagdengngeg iti Senate Blue Ribbon Committee idi kalman, innaganan da Sarah ken Curlee Discaya dagiti kongresista, dagiti staff daytoy,ken daduma pay nga opisyales iti Department of Public Works and Highways (DPWH) a maatap a nakaala iti kickbacks.
