Maysa laeng a pangabak ti kasapulan ni Pinay tennis ace a ni Alex Eala tapno magun-od ti kampeonato iti Eastbourne Open.
Daytoy ket kalpasan nga inabakna ni Varvara Gracheva iti semifinals idiay Eastbourne, England ita nga aldaw.
Nagun-od ti 20-anyos a ni Eala ti close first set, sakbay a nangabak ni Gracheva iti maikadua a set.
Iti maikatlo a set, nagtablada iti 3-3 sakbay a nagun-od ni Eala ti pangabak.
Nagbayag ti panagbinnalubalda iti dua nga oras ken 22 a minuto.
Sakbay ti nasao a pasalip, kinasapulan paylaeng ni Eala a mangabak iti qualifying round matches kontra kenni Zeynep Sonmez ti Turkiye ken ti seed Hailey Baptiste ti Estados Unidos.
Iti main draw, inabak ni Eala ni Lucia Bronzetti ti Italy iti umuna a rikus, ken immabante iti maikadua a rikus idi immatras ni Jelena Ostapenko ti Latvia, paturong iti quarterfinals.
Maipalagip a siguden a nagbinnalubal ni Eala ken Gracheva iti umuna a rikus ti Nottingham Open qualifying draw.
