Nupay silulukat ti Commission on Elections wenno COMELEC a mang-awat iti certificate of candidacy ni dismissed Bamban, Tarlac Mayor Alice Guo para iti 2025 midterm elections, kinuna ni COMELEC Chairman George Garcia a mabalin a madiskwalipikar daytoy malaksid laeng nu makaala iti temporary retraining order (TRO).
Dinakamat ni Garcia nga adda dagiti grounds para iti diskwalipikasyon. Karaman ditoy ti pannakaideklara ti nuisance candidate, petisyon a mangkidkiddaw iti pannakakanselar ti kandidatura gapu iti edad ken citizenship, ken ti desisyon ti Ombudman a pannakaipaulog ti perpetual disqualification manipud iti panagtaray wenno panagtugaw iti parapubliko nga opisina.
Kaggidan iti daytoy, immapela ni Garcia iti publiko a raemenda ti desisyon ti komisyon nga awaten ti kandidatura ni Guo nu bilang agipila daytoy iti certificate of candidacyna kas Mayor ti Bamban, Tarlac gapu ta daytoy ti desisyon ti Ombudsman.
Impanamnama met ni Garcia iti publiko a dagus nga ideklarada kas nuisance candidate ken idiskwalipikarda ti maysa a kandidato inton Nobyembre iti agdama a tawen.
Immunan nga inwaragawag ti legal counsel ni Dismissed Bamban, Tarlac Mayor Alice Guo a tumaray ti kliyentena kas re-electionist.
