--Ads--
Inwaragawag ti United Arab Emirates (UAE) a naglusulos dagitoyen iti Organization of the Petroleum Exporting Countries (OPEC).
Sigun kenni UAE Energy Minister Suhail Mohamed al-Mazrouei, inkeddengda ti nasao a desisyon kalpasan ti nainget a panagsukimatda iti energy strategies ti regional power.
Innayon ti nasao nga Energy Minister a saanda a napagsaritaan ti nasao nga isyu iti anyaman a pagilian.
Inlawlawag met ti nasao nga opisial a ti pangeddengda ket maysa a “policy decision” no sadino, naaramid kalpasan ti naannad a panangkita kadagiti agdama ken masakbayan a pagalagadan a mainaig iti lebel ti produksion.
