--Ads--
Naduktalan ti National Bureau of Investigation a ni Mayor Alice Guo ken ti Chinese passport holder nga agnagan ti Guo Hua Ping ket agpada ti “fingerprints”.
Iti statement, kinuna ni Sen. Risa Hontiveros a ti naduktalan ti National Bureau of Investigation a “fingerprints” ni Guo ken Guo Hua Ping ket kukua ti maysa ken agpada a tao.
Kinumpirmar metlaeng daytoy ni National Bureau of Investigation director Jaime Santiago ita nga aldaw.
Sigun kenni Senador Hontiveros, peke a Pilipino ni Mayor Alice wenno ti nagan a Guo Hua Ping.
Impaganetget ti Senador a Chinese national daytoy nu sadinno agpampammarang a Filipino citizen tapno makaaramid (facilitate) ti krimen a kas iti mapaspasamak iti POGO hub.
