Pinasingkedan ti abogado ni dimissed Bamban Mayor Alice Guo idi Huebes, Semtember 03, 2024 ti plano ni Guo a mangipila iti certificate of candidacy (COC) na para iti 2025 polls.
Sigun iti abogado ni Guo a ni Stephen David, isagsagana ti legal team daytoy dagiti kasapulan a dokumento.
Maibasar iti pagalagadan ti Commission on Elections (Comelec), mabalin a mangipila ni Guo iti certificate of candidacy babaen iti representative daytoy.
Immuna metten a kinuna ti nasao nga ahensia nga awan ti bilegda nga automatiko nga ikanselar ti certificate of candidacy ni Guo, no agtaray manen daytoy kas opisial ti gobierno inton 2025 elections.
Sigun pay kenni Comelec spokesman Rex Laudiangco, awaten latta iti poll body ti certificate of candidacy ni Guo no ag-file daytoy.
Nupay kasta, inlawlawag ni Laudiangvo a ti panangawat iti poll body iti certificate of candidacyni Guo ket mabalin a madiskualipika ken makansela no addda ti mangipila iti petision tapno makanselar ti certificate of candidacy daytoy.
Iti agdama, nakabalud paylaeng ni Guo gapu iti nagduduma a kaso naipila kontra kenkuana ken ti maipagarup a pakainaiganna iti Philippine offshore gaming operator wenno POGO hub sadiay Tarlac, Pampanga.
