BAGUIO CITY – Saan a ninamnama ti 22-anyos a ni Jessica Legaspi a pumasa ken ag-top number 5 pay iti kaleppas a 2024 Licensure Examination for Professional Teachers – Elementary Level.
Iti interview ti Bombo Radyo, kinuna ni Legaspi a naklaat daytoy iti nagun-odna nga achievements gapu ta impagurapna a saan a makapasa agsipud ta nagself-review laeng daytoy gapu iti kinakurang ti pinansiyal.
“Hindi ko po talaga inasahan kasi nagself-review lang po ako. Ang alam ko po ay makukuha iyon ng mga nagreview sa mga review center.”
Imbinglay ni Legaspi nga idi agad-adal daytoy iti elementary ken sekondarya ket maysa daytoy kadagiti top performing students.
Nagturpos metlaeng daytoy kas cum laude iti kurso a Bachelor of Elementary Education iti Benguet State University.
Iti agdama ket agtrabtrabaho daytoy kas maysa a kindergarten teacher iti pribado a pagaladan idiay Irisan, Baguio City.
“Balak ko po ituloy kasi ito po siguro iyong sign ni Lord na ituloy ko pong magturo.”
Ni Legaspi ket nasapa a naulila iti ama isut gapuna a ti inana ti nangsupsuporta kenkuana agingga a makaturpos daytoy.
Ti ina ni Legaspi ket ni Aurora Legaspi, agserserbi kas seamstress iti Benguet State University.
Tallo dagitoy nga agkakabsat ken isuna ti maikadua.
Impeksana nga isagsagotna ti balligina iti pamilya ken kadagiti amin a nangsuporta ken nagtalek iti kabaelanna.
“Inaalay ko ang tagumpay sa aking pamilya na nagpapakahirap, sa lahat po ng mga sumuporta, mga kaibigan ko, sa mga proud po sa akin.”
Kabayatanna, nangipaay met ni Legaspi iti mensahe kadagiti agar-arapaap nga agbalin kas mannursuro.
“Sa mga katulad ko po, lalo na po kung self-review, kung kaya naman po na magreview center, pero kaya naman po kung self-review, kayang kaya! Alamin niyo lang po kung ano po iyong tamang source ng pagrereviewhan niyo po. Marami po sa online, basta alamin niyo kung sino ang makakatulong sa inyo.”
